ܠܳܐ ܘܳܠܶܐ ܕܢ̣ܶܫܬܰܒܗܰܪ ܐܶܠܳܐ ܒܡܳܪܝܳܐ

ܐܳܘ ܥܰܬܺܝ̣ܪܳܐ ܒܰܪ ܓܶܢܣܰܢ ܐܰܢ̱ܬ ܠܳܐ ܬܶܛܥܶܐ ܠܰܢ܆

ܘܒܰܚܕܳܐ ܟܶܬܳܐ ܓܒܺܝ̣ܠ ܕܰܚܺܝ̣ܚܳܟ ܥܰܡ ܗܰܘ ܕܺܝ̣ܠܰܢ.

ܘܐܰܢ̱ܬ ܚܰܟܺܝ̣ܡܳܐ ܠܳܐ ܬܶܫܬܰܒܗܰܪ ܥܰܠ ܗܶܕܝܽܘܛܳܐ܆

ܕܡܶܢ ܚܰܕ ܛܺܝ̣ܢܳܐ ܐܶܬܬܰܩܰܢܬܽܘܢ ܡܶܢ ܐܰܠܳܗܳܐ܀

 

ܚܶܟ̣ܡܰܬ ܥܳܠܡܳܐ ܒܣܺܝ̣ܪܳܐ ܗ̱ܝ ܟܽܠܳܗ̇ ܕܠܰܘ ܡܶܕܶܡ ܗܺܝ܆

ܘܒܰܗܺܝ̣ܬ ܥܽܘܬܪܳܐ ܕܗܳܪܟܳܐ ܦܳܐܶܫ ܥܰܡ ܩܶܢܝܳܢ̈ܰܘܗ̱ܝ.

ܐܰܝܢܳܐ ܕܰܬܟܺܝ̣ܠ ܥܰܠ ܐܰܠܳܗܳܐ ܗܽܘ̣ܝܽܘ̣ ܚܰܟܺܝ̣ܡ܆

ܘܡܰܢ ܕܰܒܡܳܪܝܳܐ ܬܰܠܝ̈ܳܢ ܥܰܝܢ̈ܰܘܗ̱ܝ ܟܽܠܶܗ ܥܽܘܬܪܰܐ ܗ̱ܘ܀

 

ܟܪܺܝ̣ܗܳܐ ܕܠܳܐ ܒܣܺܝܪ ܡܶܢ ܟܐܺܢܽܘ̣ܬܳܐ ܓܰܢ̱ܒܳܪ ܚܰܝܠܳܐ ܗܰܘ܆

ܘܐܰܝܟ ܚܶܙܰܩܝܳܐ ܕܰܒܒܳܥܽܘ̣ܬܳܐ ܠܡܰܘܬܳܐ ܐܰܗܦܶܟ.

ܦܫܺܝ̣ܛܳܐ ܕܰܚܣܺܝ̣ܟ ܡܶܢ ܣܽܘ̣ܓܦܳܢ̈ܶܐ ܦܺܝ̣ܠܳܣܽܘܦܰܐ ܗ̱ܘ܆

ܪܺܝ̣ܫ ܚܶܟܡܬܳܐ ܓܶܝܪ ܪܶܚܡܰܬ ܡܳܪܝܳܐ ܗ̱̇ܝ ܐܰܟܡܳܐ ܕܰܟܬܺܝ̣ܒ܀

 

ܘܐܶܢ ܡܶܣܟܺܢܺܐ ܬܘ̣ܽܒ ܕܰܐܳܠܗܳܐ ܗܰܘ ܪܰܒ ܗܽܘ ܥܽܘ̣ܬܪܶܗ܆

ܠܳܥܳܙܳܪ ܗ̱ܽܘ ܘܥܽܘ̣ܒܶܗ ܕܰܐܒܪܰܡ ܗܳܐ ܚܳܐܰܪ ܠܶܗ.

ܫܰܦܺܝ̣ܪ ܗܳܟܺܝ̣ܠ ܐܶܬܟܰܬܒܰܬ̣ ܠܰܢ ܒܰܢܒܺܝܽܘ̣ܬܳܐ܆

ܕܐܶܠܳܐ ܒܡܳܪܝܳܐ ܠܳܐ ܢܶܫܬܰܒܗܰܪ ܒܰܕܠܳܐ ܥܳܒܰܪ܀

 

 

 

ܐܳܘ ܥܰܬܺܝܪܳܐ ܗܳܐ ܡܶܣܟܺܢܳܐ ܗܰܕܳܡܳܟ ܗ̱ܽܘ܆

ܘܰܠܐܺܝ̣ܩܪܳܟ ܥܰܒܕܶܗ ܡܳܪܝܳܐ ܝ̣ܺܨܰܦ ܕܺܝܠܶܗ.

ܡܶܢ ܡܶܕܪܳܟ ܗ̱ܽܘ ܡܶܢ ܛܺܝ̣ܢܳܟ ܗ̱ܽܘ ܒܰܪ ܓܶܢܣܳܟ ܗ̱ܽܘ܆

ܡܶܢ ܓܽܘ̣ܫܡܳܟ ܗ̱ܽܘ ܠܳܐ ܬܚܽܘ̣ܪ ܒܶܗ ܐܰܝܟ ܢܽܘ̣ܟܪܳܝܳܐ ܀

 

ܡܰܢ ܠܗܰܕܳܡܶܗ ܚܳܙܶܐ ܕܰܫܠܺܝ̣ܚ ܘܠܳܐ ܡܰܠܒܶܫ ܠܶܗ܆

ܐܰܘ̇ ܕܰܡܦܰܪܣܰܝ ܘܠܳܐ ܝܳܨܶܦ ܠܶܗ ܘܰܡܟܰܣܶܐ ܠܶܗ ܀

 

 

ܡܳܪܝ ܝܰܥܩܽܘ̇ܒ ܕܰܣܪܽܘ̇ܓ (451-521)